НАСА коммерциялық ғарыш кемесін құрастыруға 270 млн. доллар құрайтын келісімшартқа қол қойды

АСТАНА. 19 сәуір. ҚазАқпарат - АҚШ Ұлттық аэроғарыш агенттігі коммерциялық ғарыш кемесін құрастырумен айналысатын төрт компаниямен 270 млн. доллар соманы құрайтын келісімшартқа қол қойды,

деп жазады ВВС Орыс қызметі.

Ғарыш кемесі Халықаралық ғарыш стансасына ғарышкерлер мен әр түрлі жүк жеткізеді деп болжануда.

Шаттл бағдарламаларының жабылуына орай, АҚШ Ресейден «Союз» ғарыш кемесінен орын сатып алуға мәжбүр болып отыр.

Ұлттық аэроғарыш агенттігінің айтуынша, бағдарлама «Союзға» балама жасауға бағытталған.