НАТО-ның Қорғаныс министрлері «Ақылды қорғаныс» бастамасын қолдады
АСТАНА. 4 ақпан. ҚазАқпарат /Димаш Сыздықов/ - Брюссельде өткен НАТО-ға мүше елдер қорғаныс министрлерінің екі күндік кездесуі барысында Альянстың бас хатшысы Андерс Фог Расмуссен ұсынған «Ақылды қорғаныс» (Smart Defence) бастамасы мақұлданды.
Бастама қаржыны қомақты үнемдеу қажет болған кезеңдерде шектеулі қаржылық ресурстар жағдайында қорғаныс әлеуетін барынша тиімді қолдануға мүмкіндік беретін болады. Бұл туралы НАТО-ның баспасөз қызметінен мәлім етті.
Солтүстікатлантикалық альян басшысының сөзіне қарағанда, кездесу барысында НАТО-ға мүше елдер қорғаныс министрлері оның «Ақылды қорғаныс» басмасын мақұлдады. Осыған орай ол, ағымдағы жылдың мамыр айында Чикагода өтетін Блоктың саммитінде жобалардың дені бойынша, сондай-ақ ұзақмерзімді болашаққа қатысты шешімдер қабылданады деп күтуде.
НАТО-ның қорғаныс ведомстволарының министрлері «Ақылды қаланы» бақылау, барлау, логистика және білім беру сынды салаларда пайдалану мүмкіндіктерін зерделеуге келісті.
Әскери шенеуніктер, сондай-ақ Альянсты одан әрі икемді және тиімді етуді көздейтін НАТО-ны реформалау мәселесіндегі ілгерілеушілікті қарастырды.
