НАТО-ның жаңа Бас хатшысы қызметіне кірісті
БРЮССЕЛЬ. Тамыздың 3-і. ҚазАқпарат /Ержан Оспанов/ - Данияның бұрынғы премьер-министрі Андерс Фог Расмуссен тамыздың 1-інен бастап Солтүстікатлантикалық альянстың (НАТО) Бас хатшысы қызметіне кірісті. Альянстың жаңа Бас хатшысы ұйымның штаб-пәтеріне тамыздың 3-інде келіп, өз міндетіне кіріседі,
деп хабарлайды ҚазАқпарат тілшісі НАТО баспасөз қызметіне сілтеме жасап.
Сейсенбі, тамыздың 4-інде Расмуссен Солтүстікатлантикалық Кеңес мәжілісіне жетекшілік етеді.
Естеріңізге сала кетейік, А.Ф.Расмуссен ағымдағы жылы сәуірдің 3-4-інде Страсбург/Келеде өткен НАТО-ның мерейтойлық саммитінде жаңа Бас хатшы болып сайланған болатын.
