Үш күнге созылатын Наурыз мерекесінде күн жаңбырлы болады

АСТАНА. KAZINFORM — Қазгидромет синоптиктері 21-23 наурыз аралығына арналған үш күндік ауа райы болжамын жариялады. 

Алдағы мереке күндері Қазақстандағы ауа райын екі түрлі барикалық алқап қалыптастырады.

Еліміздің батысы мен солтүстігіне антициклон әсер етеді, негізінен жауын-шашынсыз ауа райы сақталады.

Түнгі температура 10-18 аязға дейін төмендейді. Бірақ күндіз күн сәулесі ауаны жылытады және термометр бағаны нөлден жоғарылайды.

Республиканың орталық, оңтүстік және шығыс аймақтары циклонның ықпалында болады.

Сөйтіп ылғалдың көп мөлшерімен шығыс бағытқа жылжиды, осыған орай жаңбыр жауады, кей уақытта қатты жаңбыр, таулы аймақтарда өте қатты жауын-шашын жауып, жел күшейеді.

Республика бойынша тұман мен көктайғақ болжанады.