Наурыз айында еліміздегі күнкөрістің ең төменгі деңгейінің шамасы 17 153 теңгені құрады

Бұл туралы Статистика агенттігінің баспасөз қызметінен хабарланды.

Агенттік мәліметтеріне қарағанда, ағымдағы жылғы наурызда негізгі тамақ өнімдерін тұтынудың ең төменгі нормаларынан есептелген орта есеппен халықтың жан басына шаққандағы күнкөрістің ең төменгі деңгейінің шамасы өткен аймен салыстырғанда 0,3 пайызға, ал 2012 жылғы наурызбен салыстырғанда 6,8 пайызға өскен.

«Бұның құрылымында ет пен балықты сатып алуға жұмсалған шығыстардың үлесі 23,5 пайызды, сүт, май және тоң май өнімдері мен жұмыртқаны - 16,3 пайызды, жемістер мен көкөністерді - 10,4 пайызды, нан және жарма өнімдерін - 7,7 пайызды, қант, шай және дәмдеуіштерді - 2,1 пайызды құрады», делінген баспасөз хабарламасында.