Наурыз ұлт пен ұлысты ұйыстырып, елдің мақсат-мұратын айқындайтын мереке - Ким Серікбаев
«Наурыз жасампаздықтың үлгі-өнегесі. Жыл жаңарып жатқанда ата-бабаларымыз жаңа күннен жақсылық күтіп, бір-бірімен үміт-арманын бөліскен. Қыстан қымтырылып шыққан ағайын бір-бірімен қауышып, аузымыз аққа тиетін күнге жетті деп қуанған. Әркім тапқан-таянғанын бір қазанға салып, жиналып бір-біріне ізгі тілегін айтып, мал-жан аман болып, ақ мол болсын деп ниет еткен», - дейді К.Серікбаев. Алматы қаласының Медеу ауданындағы Ардагерлер кеңесі төрағасының айтуынша, Наурыз - тарихты жаңғыртып, ұлт пен ұлысты ұйыстырып, елдің мақсат-мүддесін айқындайды. Сондықтан ақсақалдар бұл істің басы-қасында жүріп, елге үлгі-өнеге көрсетуі тиіс. Жастардың ақылшысы болып, жөн- жоралғы көрсетіп, жалпыхалықтық мерекенің тәлім-тәрбиелік мәніне ерекше көңіл бөлуі керек.