«Найман» С.Голяевты Әлем чемпионы титулынан айырмақ
АСТАНА. 25 мамыр. ҚазАқпарат - Бүгін ҚР Президентінің Кубогы үшін аралас жекпе-жектен ММА Халықаралық тунирі аясында халық ішінде «Найман» аталып кеткен Қуат Хамитов ресейлік Сергей Голяевпен күш сынасып, оның чемпиондық титулын тартып алып көрмек.
Сондай-ақ 65 келі салмақ дәрежесіндегі Ержан Естанов жапондық Шумизу Шуничидің «Бушидодан әлем чемпионы» атағын жеңіп алуды көздеп отыр. Кештің басты жекпе-жегі Қазақстан балуаны Төлеген Ақылбеков пен АҚШ спортшысы Боп Сапптың арасында өтеді. Олар ҚР Президентінің Кубогын сарапқа салмақ. Бұл - турнирдің негізгі үш жекпе-жегі. Одан бөлек тағы 7 жекпе-жек ұйымдастырылады.
Естеріңізге сала кетейік, ҚР Президентінің Кубогы үшін аралас жекпе-жектен ММА Халықаралық тунирі бүгін Астанадағы «Сарыарқа» велотрегінде кешкі сағат 19.00-де басталады.
