Найзағай, бұршақ, жауын - Сейсенбіге арналған ауа райы
АСТАНА. ҚазАқпарат - Атмосфералық ауа ағындардың өтуіне байланысты республиканың басым бөлігінде найзағай жарқылдап, жаңбыр, бұршақ жауады. Елдің оңтүстігінде шаңды дауыл соғады. Бұл туралы ҚазАқпарат Қазгидрометке сілтеме жасап хабарлайды.
Түнде және таңертең солтүстік жартысында тұман күтіледі.
Солтүстік Қазақстан, Қарағанды облыстарында желдің жылдамдығы 15-20, кей жерлерінде 23-28 м/с жетеді, күндіз бұршақ болуы мүмкін.
Ақмола, Павлодар, Шығыс Қазақстан, Түркістан облыстарында дауыл болып, тұман түседі, күндіз бұршақ болуы мүмкін.
Қостанай, Алматы, Жамбыл облыстарының кей жерлерінде желдің жылдамдығы 15-20 м/с, түнде және таңертен тұман түседі.
Қызылорда, Түркістан облыстарының басым бөлігінде, Жамбыл, Ақтөбе, Атырау, Маңғыстау, Қостанай, Қарағанды облыстарының кей жерлерінде өрт қаупі сақталады.
