Найзағай разряды себеп болған: бүгін елімізде үш орман өртенді
АСТАНА.KAZINFORM – Бүгін, 27 маусымда Қазақстан мемлекеттік орман қоры аумағында 3 орман өрті тіркелді. Бұл туралы Экология министрлігі хабарлады.
Өңірлер бойынша:
• Қарағанды облысы — 1 өрт;
• «Семей орманы» мемлекеттік орман табиғи резерваты — 2 өрт.
Барлық өрт ошағы орман күзеті қызметкерлерінің және жұмылдырылған қызметтердің өзара іс-қимылының арқасында дер кезінде анықталып, жедел түрде сөндірілді.
Өрттің шығуына негізінен найзағай разрядтары себеп болды.
- Өрт қауіпті кезеңде азаматтарды өрт қауіпсіздігі қағидаларын сақтауға және еліміздің орман байлығына ұқыпты қарауға шақырамыз. Орманды бірге сақтайық! – делінген хабарламада.
Биыл мемлекеттік орман қорында 0,41 гектар аумақты қамтыған 3 өрт тіркелгенін жазған едік.
