«Немо» қарлы боранының құрбандар саны 9 адамға жетті
АСТАНА. 10 ақпан. ҚазАқпарат - «Немо» қарлы бораны салдарынан АҚШ-тың солтүстік-шығысында кемінде тоғыз адам қаза болды, 700 мың адам жарықсыз қалды, деп хабарлайды РБК Reuters агенттігіне сілтеме жасап.
Әсіресе Род-Айленд, Коннектикут және Массачусетс штаттарындағы жағдай ауыр. Ол жерлерде ТЖ режимі жарияланған болатын, кейін төтенше жағдай Нью-Йорк пен Нью-Гэмпширге де тарады.
Ауа райы қолайсыздығына байланысты 8 ақпаннан бері бірқатар әуежайлар жабылды. 9 ақпан күні 2 200 әуе рейстерін қалдыруға тура келді.
Бес штатта ТЖ режимі сақталуда, бір метрге жуық қар түсті.
