Неймар «Барселонадан» кететін болды

АСТАНА. ҚазАқпарат - 25 жастағы бразилиялық футболшы Неймар «Барселона» командасымен қош айтысып, «ПСЖ» сапына өтпек. Каталондықтардың құрамындағы соңғы матчын футболшы 6 тамыз күні «Шапекоэнсе» командасына қарсы өткізеді, деп хабарлайды «ҚазАқпарат» ХАА тілшісі шетелдік БАҚ-қа сілтеме жасап.

Неймардың кететіні туралы «Барселона» бүгін ресми ақпарат таратқан.

«Таңғы жаттығу барысында Неймар клубтан кеткісі келетіні және келешегіне қатысты сұрақтарға байланысты жаттығуға келмейтіні турасында тілек білдірді», - деп хабарлайды ақпарат көзі.

Мәлімет көзінің хабарлауынша, клуб Неймардың шынында да кететінін растаған. Футболшы 6 тамыз күні каталондықтардың сапында соңғы матчын өткізеді.

БАҚ-тың хабарлауынша, «Пари Сен-Жермен» Неймардың келісімшартын сатып алу үшін рекордтық 222 млн еуро жұмсайды. 

Айта кетерлігі, Неймар "Барселона" сапына 2013 жылдың мамыр айында келіп, шілденің 30 жұлдызында команда сапында тұңғыш ойынын өткізген болатын.