Нибали - 2014 жылдың үздік велошабандозы
АСТАНА. ҚазАқпарат - 2014 жылдың маусымында Винченцо Нибали испаниялық Альберто Контадорды екінші орынға ығыстырды. Оған Тур де Франстағы жеңісі себеп болған. Cyclingnews оқырмандары 30 жастағы велошабандозды үздік деп шешті, деп жазады astanafans.com.
Астана командасы лидерінің Турдың 5-кезеңінде көрсеткен шеберлігі оқырмандарды тамсандырды. Оқырмандар бұл сәтті 2014 жылдың ұмытылмас сәті деп атады. Мұның барлығы оның жанкүйерлердің көзайымына айналуына септесті.
Нибали Контадордан 2 пайызға, ал әлем чемпионы Михал Kвятковскиден (Etixx-QuickStep) 10 % озды.
