Нидерланды және Латвияға қарсы ойнайтын Ұлттық құрама ойыншылары белгілі болды - ҚФФ

АСТАНА. ҚазАқпарат - Юрий Красножан бастаған Қазақстан Ұлттық құрамасының жаттықтырушылар штабы 2016 жылғы Еуропа чемпионатының іріктеу турнирінде Нидерланды және Латвия құрамаларымен өткізетін ойынға шақырылған футболшылардың тізімін жариялады. Бұл туралы қазақстан футбол федерациясының баспасөз қызметінен хабарланды.

Атап айтқанда, Ұлттық құрамаға шақырту алған футболшылар мыналар болып отыр:

Қақпашылар: Бойченко Сергей («Ордабасы»), Покатилов Стас («Ақтөбе»), Сидельников Андрей («Ордабасы»);

Қорғаушылар: Айтбаев Берік («Атырау»), Бейсебеков Абзал («Астана»), Гурман Марк («Қайрат»), Қуантаев Ермек («Қайрат»), Логвиненко Юрий («Ақтөбе»), Малый Сергей («Ордабасы»), Сүйімбаев Ғафуржан («Ордабасы»), Шомко Дмитрий («Астана»), Энгель Константин («Ингольштадт», Германия);

Жартылай қорғаушылар: Гетериев Қазбек («Ертіс»), Жолшиев Бауыржан («Астана»), Досмағамбетов Тимур («Тараз»), Исламхан Бауыржан («Қайрат»), Қонысбаев Ұлан («Қайрат»), Қуат Исламбек («Қайрат»), Көкеев Жамбыл («Қайрат»), Мухутдинов Альмир («Тараз»), Нұрғалиев Азат («Ордабасы»), Смақов Самат («Ертіс»);

Шабуылшылар: Нөсербаев Таңат («Астана»), Хижниченко Сергей («Ақтөбе»), Щеткин Алексей («Астана»).

Негізгі құрамның ойыншылары жарақат алған жағдайда келесі футболшылар шақырту алады: қақпашы - Плотников Владимир («Қайрат»), жартылай қорғаушы - Дарабаев Аслан («Қайрат»).

Айта кетейік, футболдан Қазақстан ұлттық құрамасы 2015 жылдың 5 қазанында Астанада жиналады. Нидерланды құрамасымен ойын 10 қазан күні 22:00-де басталады. Кейін қазақстандық футболшылар Ригаға жол тартып, 13 қазан күні Латвия құрамасымен кездеседі. Осы ойындармен Қазақстан Ұлттық құрамасы «ЕУРО-2016» іріктеу турнирін аяқтайды.