Нигерияда «Боко харам» содырлары 13 адамды өлтірді

АСТАНА. ҚазАқпарат - «Боко харам» содырлары Нигерияның солтүстік-шығысындағы Малари қаласына шабуылады.

Салдарынан 13 адам қаза тауып, 27 адам түрлі жарақат алды. Жарақаттанғандар арасында әйелдер мен балалар да бар, деп хабарлайды ТАСС.

Содырлар жергілікті тұрғындар «Боко харам» отрядының қайда орналасқанын айтты деп адамдарды өлтіріп, үйлер мен дүкендерді өртеген.