Никарагуада Америка туристері мінген кеме апатқа ұшырап, 13 адам ажал құшты
АСТАНА. ҚазАқпарат - Никарагуа жағалауында Орталық Америка және АҚШ туристері мінген судно апатқа ұшырады, 13 адам қаза тапты. Бұл туралы AFP агенттігі республика билігінің мәлімдемесіне сілтеме жасап хабарлады.
Мерт болғандардың барлығы Коста-Рика азаматтары. Кеме апаты сенбі күні Кариб теңізінде Литл-Корн-Айленд аралы маңында болған. Судно бортындағы 32 туристің 19-ы аман қалды.
