Николас Мадуро Нью-Йорк түрмесінен түсірілген суреттермен бөлісті
АСТАНА. KAZINFORM — Венесуэланың биліктен қуылған көшбасшысы Николас Мадуро әлеуметтік желілерде Нью-Йорк түрмесінен түсірілген суреттермен бөлісіп, «аяғына нық тұрғанын» мәлімдеді, деп хабарлайды CBS News.
Мадуро мен оның зайыбы Силия Флорес қаңтар айында АҚШ-тың әскери операциясы кезінде Каракаста ұсталды. Олар Нью-Йорктегі Бруклин түрмесінде есірткінің заңсыз айналымы мен атыс қаруын сақтағаны үшін ұсталып отыр, бірақ олар бұл айыптауларды жоққа шығарды.
— Мен бұл фотосуреттерді барлық немереме, ұлдарым және қыздарыма, сондай-ақ бізді жақсы көретін барлық асыл адамға шағын сыйлық ретінде жіберіп отырмын, — деп жазды Николас Мадуро Х-те.
Pequeño regalo de amor y esperanza
— Nicolás Maduro (@NicolasMaduro) August 30, 2026
Envío estas fotos como un pequeño regalo a todos mis nietos y nietas, a los niños y niñas, y a toda la gente noble que nos ama. pic.twitter.com/Z6u3130arn
Екі фотосуретте сұр түсті спорттық костюм киген Мадуро қолдарымен бейбітшілік белгісін көрсетіп тұр. Ол тұтқындалғаннан бері салмағын жоғалтқан сияқты.
— Біз сөзімізге берік екенімізді, жүрегіміз сіздің махаббатыңызға толы екенін білгеніңізді қалаймын. Әрбір сөзіңіз, әрбір әрекет, әрбір батаңыз үшін шексіз алғыс, — деп қосты биліктен кеткен Венесуэла президенті.
Фотосуреттер жексенбі күні пайда болғанымен, таспа деректері олардың 25 маусымда түсірілгенін көрсетіп отыр.
Нью-Йоркте Мадуро мен оның зайыбының соты 2027 жылдың 1 маусымында басталады. Екеуі де кінәсін мойындаған жоқ. Егер алқабилер олардың АҚШ-қа кокаинді заңсыз тасымалдауға қатысы бар екенін анықтаса, олар өмір бойы бас бостандығынан айырылуы мүмкін.
Осыған дейін Трамп АҚШ пен Венесуэла арасында «тарихи» мұнай келісімі жасалғанын мәлімдеді.
