Нилуфар Раимова мен Бейбіт Сейдуәлі әлем чемпионатының ширек финалына шықты
АСТАНА. KAZINFORM — Қазақстандық балуандар Нилуфар Раимова мен Бейбіт Сейдуәлі Астанада өтіп жатқан күрестен әлем чемпионатының ширек финалына шықты.
Нилуфар Раимова 57 келіге дейінгі салмақта 1/8 финалда Ресей өкілі Анастасия Яндущкинамен кездесіп, қарсыласынан 7:5 есебімен басым түсті.
Бейбіт Сейдуәлі 65 келіге дейінгі салмақта Чили өкілі Хименес Фернандесті 3:2 есебімен жеңді. Осылайша қос балуан ширек финалға өтті.
Айта кетейік, бұған дейін Зейнеп Баянова (50 келі) ширек финалға өткен болатын.
Бағдат Сабаз әлем чемпионатының қола жүлдесі үшін күреседі.
