Нокаутшы Али Ахмедов WBC титулы үшін жұдырықтасады
АСТАНА. ҚазАқпарат - Жартылай ауыр салмақтағы қазақстандық боксшы Али Ахмедов келесі жекпе-жегін 30 маусым күні Миннеаполисте өткізеді, деп жазды Sports.kz.
Бұл WBC тұжырымы бойынша Солтүстік Америка чемпионы атағы үшін титулдық айқас болады. Оның қарсыласының аты-жөні әзірге белгісіз. Бұл оның кәсіпқой рингтегі жетінші жекпе-жегі. Бұдан алдыңғы айқастарда Али Ахмедов жеңіске жетіп, оның төртеуін мерзімінен бұрын аяқтады.
