Nokia смартфонының жарнамасы үшін зарядтаушы құрылғыны картоптан жинаған - ВИДЕО
АСТАНА. ҚазАқпарат – Microsoft корпорациясының құрамына кіретін Nokia британдық құрылымы суретші, ғалым-энтузиаст Калеб Чарлэндпен және Carphone Warehouse мобильді электроника дүкені желісімен бірлесіп «зарядтаудың ең табиғи жолын» көрсетті, деп жазды Onliner.by порталы.
Жарнамалық акция аясында Чарлэнд көмекшілерімен бірге бір-бірімен біріктірілген 800 картоп пен алмадан смартфон үшін (бұл жағдайда - Nokia Lumia 930) «зарядты құрылғы» жасады.
Microsoft-тың шақыруымен Чарлэнд эксперимент жасады. Мақсат смартфонды табиғи жолмен зарядтауға бола ма екенін білу.
Ерекше «зарядты құрылғы» көрсетілген бейнеоролик YouTube желісіне орналастырылды.
