Норвегияда шетелдік туристер мінген автобус өртенді
АСТАНА. ҚазАқпарат - Шетелдік туристер мінген шведтік автобус Норвегияның солтүстік-шығысындағы Гудванга тоннелінде өртке оранды, деп хабарлайды ТАСС шведтік The Local басылымына сілтеме жасап.
Оқиға салдарынан жеңіл жарақат алған бес адам ауруханаға жеткізілді. Тоннельден барлығы 30-дан астам адам қауіпсіз жерге шығарылған. Әзірге өрттің шығу себептері белгісіз. Тоннель жабылды, құтқару қызметтері жұмыс жасауда. Жаз маусымында ұзындығы 11,6 шақырымға созылатын Гудванга тоннелі маңындағы Нерёй-фьордқа әлемнің барлық түкпірінен туристер келеді.
