Нұр-Сұлтан - Бішкек авиарейсі қайта жанданады
НҰР-СҰЛТАН. ҚазАқпарат - Қазақстан мен Қырғызстан арасында тұрақты әуе қатынасы қайта жанданады. Бұл туралы ҚР Индустрия және инфрақұрылымдық даму министрлігінен мәлім етті, деп хабарлайды ҚазАқпарат.
«2 қарашада Қазақстан Республикасының аумағында коронавирус инфекциясының пайда болуы мен таралуына жол бермеу жөніндегі ведомствоаралық комиссияның кезекті отырысына Нұр-Сұлтан – Бішкек бағытында Қазақстан мен Қырғызстан арасындағы тұрақты әуе қатынасын қалпына келтіру мәселесі қаралды.
Нәтижесінде «Эйр Астана« әуе компаниясы жақын арада екі ел астанасы арасындағы рейстерді қайта бастайтын болды», - делінген министрлік ақпаратында.
Рейстер санитарлық-эпидемиологиялық талаптарды қатаң сақтай отырып және әуе компаниясының сайтында жарияланған кестеге сәйкес E190-E2/A – 320 әуе кемелерімен орындалады.
