Нұр-Сұлтанда бір тәулікте 136 жол-көлік оқиғасы тіркелді
НҰР-СҰЛТАН. ҚазАқпарат – Нұр-Сұлтан қаласының полиция департаменті жүргізушілерге ескерту жасады, деп хабарлайды ҚазАқпарат тілшісі полиция департаментіне сілтеме жасай отырып хабарлайды.
«Көлік кептелісінде қалмай, қалыпты жылдамдық пен қауіпсіз қашықтықты сақтау үшін сіз өзіңіздің бағдарыңызды алдын ала жоспарлауыңыз керек. Жүргізушілер үшін ең қауіпті шақ - көліктердің тежеу қызметіне кедергі келтіретін алғашқы қардың жауған кезі. Осыған байланысты сізден жазғы дөңгелектермен жолға шықпауларыңызды ескертеміз, - деді Нұр-Сұлтан ПД әкімшілік полиция басқармасының бастығының орынбасары Сымбат Шоқытаев.
Оның мәліметінше елордада кейінгі тәулікте 136 жол-көлік оқиғасы тіркелген. Бір күннің ішінде ғана жол-көлік оқиғаларының саны 45 пайызға көбейген.
Ауа-райының бұзылуына байланысты полиция бөлімшелері күндіз күшейтілген режимде жұмыс істеп жатыр. Қала көшелерін қардан тазарту үшін жеке құрам мамандандырылған техникаларға еріп жүреді. Қар құрсауында қалған көлік иелеріне барынша көмек көрсетіледі.
