11:05, 17 Қыркүйек 2021 | GMT +5
Нұр-Сұлтанда із-түзсіз жоғалған 27 жастағы тұрғын іздестіріліп жатыр
НҰР-СҰЛТАН. ҚазАқпарат – Нұр-Сұлтан қалалық полиция департаменті із-түзсіз жоғалған 1994 жылы туған Данияр Қуанышұлы Мұқанды іздеп жатыр, деп хабарлайды ҚазАқпарат.
2021 жылдың 16 қыркүйегінде сағат 02.45 кезінде Данияр Мұқан үйінен шығып кетіп, қайта оралмаған.
«Оның бойы - 193 см, арық денелі, қара шашты, қой көзді. Қара сырт киім, қызыл футболка, көк түсті джинсы, ақ-қара түсті кроссовки киген. Ол денсаулығына байланысты тіркеуге алынған. Қандай да бір ақпарат білетіндер Нұр-Сұлтан қалалық ПД «Есіл» аудандық полиция басқармасына мына телефондар бойынша хабарласуын сұраймыз: 8(7172) 71-65-53, 71-65-57, 71-65-58, +7 (702) 199 19 11, немесе «102», - делінген хабарламада.