Нұрдәулет Жұмағали — Азиаданың екі дүркін алтын жүлдегері

Қазақстандық спортшы Нұрдәулет Жұмағали жүзуден алтын медаль иегері атанды, деп хабарлайды Kazinform.

Қытайдың Ханжчоу қаласында өтіп жатқан Азия параойындарында қазақстандық жүзу шебері Нұрдәулет Жұмағали 200 м қашықтықты 2:16:74-де жүзіп өтіп, осы ойындардың рекордын жаңартты.  

Еске сала кетейік, ол осыдан екі күн бұрын да 100 метрге брасс әдісімен жүзуде 1:05.92 нәтижемен мәре сызығын бірінші болып қиған еді. 

Осылайша Нұрдәулет Қазақстанға бірден екі алтын медаль әперді.  

Бүгінде қазақстандықтар алтын медаль санын сегізге жеткізді.