Нұрқанат Серікбаев әлемдік рейтингіде жоғарылады
АСТАНА. KAZINFORM — Грузия астанасы Тбилисиде өткен дзюдодан Grand Slam турниріндегі жеңісінен соң қазақстандық Нұрқанат Серікбаев әлемдік рейтингте жоғарылады.
Ұлттық олимпиадалық комитеттің мәліметінше, 60 келі салмақта сынға түскен Нұрқанат Тбилисидегі жеңісі үшін 1000 ұпай еншіледі. Нәтижесінде, қазақстандық спортшы 20-орыннан 15-орынға көтерілді.
Ал олимпиадалық рейтинг әлі жаңарған жоқ.
Айта кетелік, Нұрқанат Серікбаев Антальяда өтетін Grand Slam турнирінде де бақ сынайды.
