Нұрлан Әбдіров өзбек және әзербайжан әріптестерімен кездесті

АСТАНА. ҚазАқпарат - Президент сайлауы қарсаңында ҚР Орталық сайлау комиссиясының (ҚР ОСК) төрағасы Нұрлан Әбдіров Өзбекстан мен Әзербайжан Орталық сайлау комиссияларының төрағалары Зийниддин Низамходжаевпен және Мазахир Панаховпен кездесті, деп хабарлайды ҚазАқпарат.

ҚР ОСК сайтында мәлім етілгендей, кездесу барысында Нұрлан Әбдіров екі елдің ОСК төрағаларын сайлау науқанының негізгі кезеңдерінің ерекшеліктерімен, атап айтқанда, президенттікке кандидаттарды ұсыну және тіркеу қорытындыларымен, сайлау алдындағы үгіт барысымен, сайлаушылар мен сайлау учаскелерінің санымен, Қазақстан Республикасы президентін сайлауға халықаралық байқаушыларды аккредиттеу қорытындыларымен таныстырды.

Кездесу соңында БАҚ үшін брифинг өткізілді.