Нұрсұлтан Аманжолов африкалық боксшыны нокаутқа жіберді
НҰР-СҰЛТАН. ҚазАқпарат – Қазақстан боксшысы Нұрсұлтан Аманжолов (4-0, 3КО) Wicked N’ Bad британиялық промоушені Дубайда (БАӘ) ұйымдастырған кеште өнер көрсетті, деп хабарлайды ҚазАқпарат ВКонтакте әлеуметтік желісіндегі «Қазақстанның кәсіпқой боксы» парақшасына сілтеме жасап.
Н.Аманжолов угандиялық Шапи Мушотомен жекпе-жек өткізді. Суперауыр салмақтағы кездесу төртінші раундта аяқталды. Аманжолов оппонентін нокаутқа жіберді. Үшінші раундта, сондай-ақ рефери Мушотоға екі рет нокдаун жазды.
Осылайша, Нұрсұлтан профибокста бесінші рет жеңіске жетті. Айта кетейік, суперауыр салмақтағы боксшымыз WBA, WBO, IBF нұсқалары бойынша әлем чемпионы, украиналық Александр Усиктің (19-0, 13КО) спарринг-қарсыластарының бірі.
Видеодан алынған кадр
