Nvidia қытайлық чат-бот кесірінен шамамен 600 млрд доллар жоғалтты
АСТАНА. KAZINFORM — Қытайлық DeepSeek-R1 чат-ботының нарықта пайда болуы америкалық микрочип өндіруші Nvidia-ны 27 қаңтардағы бір сауда күнінің соңындағы жағдай бойынша 600 млрд долларға жуық шығынға түсірді, деп хабарлайды ВВС.

Жасанды интеллектті дамытумен айналысатын басқа технологиялық алпауыттар одан да көп ондаған миллиард доллар жоғалтты.
Күннің соңына қарай Nvidia акцияларының құны 16,9%-ға немесе жалпы $589 млрд-қа төмендеді.
Nvidia бәсекелесі Broadcom компаниясы 17,4% немесе шамамен 200 млрд доллар шығынға ұшырады.
Microsoft акцияларының бағасы бір күнде 2,14%-ға (шамамен 70 млрд доллар, бірақ әлі $3,23 трлн доллар қалды), ал Google иесі Alphabet акциялары 4%-ға (95 млрд доллар) арзандады.
АҚШ-тың Nasdaq100 технологиялық компанияларының индексі 3%-ға жуық төмендеді.
Америкалық компаниялар жасанды интеллект жүйелерін дамытуға жүздеген миллиард доллар инвестициялады және оған тағы қаражат құюды жоспарлап отыр. Ал қытайлық DeepSeek компаниясы өзінің чат-ботын небәрі 5,6 млн долларға жасап, оқытқанын сендіріп отыр.
Бұған дейін Ұлыбритания жасанды интеллект саласында супердержава мәртебесін алуды мақсат етіп отырғанын жаздық.