НВО америкалық телеарнасы қазақстандық боксшы Г.Головкин туралы фильм түсірді. ВИДЕО
АСТАНА. 11 маусым. ҚазАқпарат - АҚШ-тың НВО жетекші спорттық телеарнасы қазақстандық былғары қолғап шебері Геннадий Головкин туралы деректі фильм түсірді.
Ролик WBA және IBO нұсқалары бойынша әлем чемпионының америкалық Габриэль Росадоға қарсы кездесуге екікүндік әзірлігіне арналған. Жекпе-жек 19 қаңтар күні Нью-Йоркте Г. Головкиннің жеңісімен аяқталды.
14 минуттық түсірілімге жаттықтырушының, промоутердің және қазақстандық спортшының сұхбаты енген.
Еске салайық, 29 маусым күні отандасымыз британдық Мэттью Маклинмен қолғап түйістіреді. Букмекерлердің болжауынша, Г. Головкин қарсыласын тізе бүктіреді.
Аталмыш жекпе-жектің көрсеткіштері: Головкиннің жеңісі - 1,12, тең - 40, Маклиннің жеңісі - 7,42. Видео.
