Ө.Шөкеев: Елбасының 2020 жылға дейін «Самұрық-Қазына» активтерін екі есеге ұлғайту тапсырмасы орындалады
АСТАНА. ҚазАқпарат - Елбасының 2020 жылға дейін «Самұрық-Қазына» активтерін екі есеге ұлғайту тапсырмасы орындалады. Бұл туралы КТК телеарнасының «Халық қызметшісі» бағдарламасына сұхбат берген «Самұрық-Қазына» ҰӘҚ» басқармасының төрағасы Өмірзақ Шөкеев мәлім етті.
«Президент 2020 жылға дейін қор активтерін екі есеге ұлғайту тапсырмасын жүктеді. Өте күрделі тапсырма. Бірақ, орындауға болады. Біз нақты бастамалардың арқасында соңғы үш жылдың ішінде компанияның құнын 26 пайызға көтере алдық.
Демек, меніңше, осындай жүйелі жұмыстардың нәтижесінде 2020 жылға дейін екі есе ұлғайтуға қол жеткізе аламыз», - деді Ө.Шөкеев.
Сонымен қатар, ол Елбасының қор алдына еңбек өнімділігін 30-40 пайызға көтеру міндетін де жүктегенін атап өтті. «Бұл да жүзеге асыруға болатын тапсырма деп білемін», - деді ол.
