ОАР-да ереуілшілердің жетекшісі өзін президент деп жариялады

АСТАНА. 25 наурыз. ҚазАқпарат - Орталық Африка Республикасында «Селека» ереуілшілер тобының көшбасшысы Мишель Джотодия өзін президент деп жариялады.

Топ таяуда ел астанасы Банга қаласын жаулап алған болатын. Бұл туралы BNews.kz RFI радиостансасына сілтеме жасап хабарлайды.

«Селека» тобы ОАР астанасын жаулап алғаннан кейін ел президенті Франсуа Бозизе Конго Демократиялық республикасына, одан кейін Камерунға қашып кеткен.

ОАР-дағы жағдайға байланысты Франция өз әскерін шұғыл түрде әуежайды күзетуге аттандырды.