Обама ХАМАС басшыларымен байланыс орнатуға ниет танытып отыр
ЛОНДОН. Қаңтардың 9-ы. ҚазАқпарат – Барака Обаманың ұлықтауы өткізілгеннен кейін өзінің міндетін орындауға кірісетін АҚШ-тың жаңа үкіметі ХАМАС-пен байланыс орнату мүмкіндігін қарастырмақшы,
деп хабарлайды ҚазАқпарат Утро.ру сайтына сілтеме жасап.Британияның The Guardian газеті бүгін хабарлағанындай, Обама палестиналық қозғалысты халықаралық оқшаулауға әкелген ХАМАС-ты лаңкестік ұйым деп жариялаған қазіргі президент Джордж Буштың саясатын қолдамайды. Байланыс арнасын американдық барлаушылардың қызметкерлері қалпына келтіретін болады. Хабарламада Обама осы кезеңде ХАМАС-пен тікелей келіссөздерді жүргізуді жоспарлап отырған жоқ. Жаңа президент кеңесшілерінің ұсынысына сай байланыстар «төменгі деңгейде» жүзеге асырылуы тиіс.
