Обама климат өзгерістерімен күресуге уәде берді
ВАШИНГТОН. 23 маусым. ҚазАқпарат - АҚШ Президенті Барак Обама Джорджтаун университетінде сөйлеген сөзінде климат өзгерістерімен күресуге қатысты жоспарымен бөлісуге уәде берді,
деп хабарлады ВВС.
Бұған дейін де Обама климат өзгерістерімен күресуге ниетті екенін бірнеше мәрте мәлімдеген болатын, алайда Конгресс ел басшысының бұл сөзін қолдаған жоқ. Обама бұл жоспарын енді Конгрестің мақұлдауынсыз жүзеге асыруға бел буған көрінеді, деп атап өтті ВВС.
Аталған жоспар бойынша, көмір электр стансаларына қатысты тәртіпті қатаңдату көзделуде. Сондай-ақ жел қуаты мен өзге де қайта жаңартылатын қуат көздерін қолдану мүмкіндіктерін кеңейту қолға алынбақшы.
