Обама мен Карзай Ауғанстандағы әскери шараларды доғарудың жаңа мерзімін белгіледі
АСТАНА. 12 қаңтар. ҚазАқпарат - АҚШ президенті Барак Обама мен Ауғанстан президенті Хамид Карзай жұма күні Вашингтонда өткен кездесуде Ауғанстандағы АҚШ күштері биыл көктемде әскери операциялардың ауқымды бөлігін доғаратыны туралы келісімге келді.
Бұған дейін ондай әскери іс-қимылдар алдағы жаздан тоқтатылады деп айтылып келген.
Енді көктемнен бастап Ауғанстандағы шетелдік коалиция күштері негізінен ауған әскеріне қолдау көрсету міндетін атқаратын болады, деп хабарлайды «Азаттық».
АҚШ 2014 жылы Ауғанстаннан 60 мыңнан астам сарбазын шығарған соң ол елде саны шектеулі әскерін қалдыратынын осыған дейін мәлімдеген еді.
