ОҚО-да 85 гектар шабындық жер отқа оранды
АСТАНА. 11 маусым. ҚазАқпарат - Оңтүстік Қазақстан облысының Шанақ ауылдық округінде 85 гектар шабындық алқап жанып кетті.
Бұл туралы ҚР ТЖМ баспасөз қызметінен хабарлады.
Төтенше жағдай 10 маусым күні орын алды. Абырой болғанда құрбандар мен зардап шеккендер жоқ.
Жалынды ауыздықтауға ҚР ТЖМ ОҚО ТЖД өрт сөндіру қызметінің 19 маманы мен 3 техникасы, жергілікті 20 тұрғын мен олардың 5 техникасы тартылды.
