ОҚО-да жоғалып кеткен 7 жастағы қыздың денесі табылды

ШЫМКЕНТ. ҚазАқпарат - Оңтүстік Қазақстан облысының Сарыағаш ауданында жоғалып кеткен қыздың денесі Таскен су каналынан табылды, деп хабарлайды «ҚазАқпарат» ХАА тілшісі облыстық ТЖД баспасөз қызметіне сілтеме жасап.

«28 наурызда сағат 19.58-де бірінші сынып оқушысының денесі Таскен каналынан табылды»,-деп хабарлады ТЖД баспасөз хатшысы Зарипа Тұрысбекова.

Естеріңізге сала кетейік, 27 наурызда жеті жастағы Инабат Мұқтарқожаның жоғалып кеткені туралы ақпарат тараған болатын. Қыздың анасы Ақбота Кәукенова полиция мен БАҚ өкілдерінен көмек сұраған болатын.

Сонымен қатар жоғалған қыздың Таскен каналына ағып кету мүмкіндігіне байланысты оны іздеуге сүңгуірлер де жұмылдырығландығы хабарланған болатын.




Иллюстрацилық фото