ОҚО-дағы жол апатынан 1 адам мерт болды, тағы 5-уі жарақаттанды

АСТАНА. Сәуірдің 2-сі. ҚазАқпарат - Оңтүстік Қазақстан облысында болған жол-көлік апатынан 1 адам қаза тапты, тағы 5 адам зардап шекті,

деп хабарлады ҚР ТЖМ-нан.

Ведомство баспасөз қызметінен мәлім еткендей, «ВАЗ» және Ауди» автокөліктері Сайрам ауданы Ақсукент ауылындағы ішкі жолдардың бірін бөлісе алмаған. Соның салдарынан бірінші көліктің 51 жастағы жолаушысы оқиға орнында мерт болса, оның жүргізушісі мен екі машинадағы 4 жолаушы түрлі жарақаттармен ауруханаға түсті.