Өкпені жасанды желдету аппараты жеткілікті - Алматы
АЛМАТЫ. ҚазАқпарат - Алматы қалалық Қоғамдық денсаулық сақтау басқармасының бастығы Тілеухан Әбілдаев қала ауруханаларының өкпені жасанды желдету (ӨЖЖ) аппаратарымен қамтамасыз етілуі туралы айтты, деп хабарлайды ҚазАқпарат тілшісі.
«Өкпені жасанды желдету құрылғыларына келер болсақ, қазіргі уақытта аппарат жеткілікті. Ресей бізге «Авента» ӨЖЖ құрылғысының 20 данасын сыйламақ болған. Алайда түрлі себептерге байланысты олар бізге жібере алмады», - деді Тілеухан Әбілдаев Алматыдағы Қоғамдық кеңестің онлайн отырысында.
Оның айтуынша, кейде Алматыда бірден екі науқасты ӨЖЖ аппаратына қосу керек болып қалады.
«Алматыдағы COVID-19 емдеуге арналған барлық жұқпалы госпитальдер жоғары сапалы, шетелдік өкпені жасанды желдету аппаратарымен қамтамасыз етілген», - деп атап өтті ол.
