Оқыс оқиға салдарынан Алматы-Новосібір жолаушылар пойызының қозғалысы тоқтатылды

АСТАНА. 1 тамыз. ҚазАқпарат - ШҚО-да жүк составының 16 вагонының  рельстен шығып кетуі салдарынан оңтүстік астана вокзалынан сағат 05.55-те шығуға тиіс Алматы-Новосібір жолаушылар пойызы кідіртілді.

Бұл туралы  ҚР ТЖМ-нің баспасөз қызметі хабарлайды.

Оқыс оқиға Семейден 28 шақырым жердегі Локоть стансасында болған. Кеше, шілденің 31 күні күндізгі уақытта Новосібір-Сарыағаш бағытындағы жүк пойызының 16 вагоны рельстен шығып кеткен.

 Апат салдарынан Алматыдан Новосібірге қатынайтын жолаушылар пойызының қозғалысы уақытша тоқтатылды.

Сол күні сағат 21.00-де жөндеу-қайта қалпына келтіру жұмыстары толық көлемде аяқталды. Төтенше жағдайды жоюға «ҚТЖ» АҚ-ның 50 адамы мен 1 апатты-қайта қалпына келтіру пойызы жұмылдырылды.