Ольга Рыпакова «Гауһар лигада» үздік бестікке кіре алмады
АСТАНА. ҚазАқпарат - Парижде өткен «Гауһар лигасы» кезеңінде қазақстандық жеңіл атлет Ольга Рыпакова үш қарғып секіруден 8-ші орын иеленді, деп хабарлайды ҚазАқпарат тілшісі.
ҚР ҰОК-нің баспасөз қызметі таратқан мәліметтерге сүйенсек, Ольга аталған додада мықтылар қатарына жақындай алған жоқ.
Рыпакова алты мүмкіндік ішіндегі ең үздік нәтижесі - 14,25 метр. 7 маусым күні Ослода өткен кезеңде Ольга 14,06 метр көрсеткішімен 6-шы орын иеленген болатын.
Парижде кіл мықтылар Ольганың үздік үштікке жақындауына мүмкіндік берген жоқ. Ал Рио Олимпиадасының чемпионы Катрин Ибаргуэн бұл жолы да қара үзіп кетті.
1. Катрин Ибаргуэн (Колумбия) - 14.83 м;
2. Кимберли Уильямс (Ямайка) - 14.56;
3. Тори Франклин (АҚШ) - 14.49;
4. Кристин Гириш (Германия) - 14.42;
5. Шаниека Риккетс (Ямайка) - 14.38;
6. Ана Пелетейро (Испания) - 14.31;
7. Руги Диалло (Франция) - 14.27;
8. Ольга Рыпакова (Қазақстан) - 14.25.
