Ол мәңгілік жүрегімізде - Димаш Құдайберген Бекзат Саттарханов туралы
АЛМАТЫ. ҚазАқпарат - Белгілі әнші Димаш Құдайберген Олимпиада чемпионы Бекзат Саттархановты Instagram-дағы парақшасында еске алды. Бүгін - спортшының туған күні.
«Бүгін қазақтың қайсар батыры Бекзат Саттарханов ағамыздың өмірге келген күні.Қысқа ғана ғұмыр кешсе де ,еліміздің тұғырын үлкен деңгейге көтерген арыстай азаматымыз мәнгілік жүрегімізде. Ер есімі ел - есінде! Алаштың текті ұрпағының тұқымы Бекзат аға, жатқан жерің жайлы, қараңғы жерің жарық болсын», - деп жазды Димаш.
Қазақстандық боксшы, 2000 жылы өткен Сидней Олимпиадасының жартылай жеңіл салмақ бойынша чемпионы Бекзат Саттарханов 1980 жылы 4 сәуірде дүниеге келген. Спортшы небәрі 20 жасында көлік апатынан қапыда көз жұмды.
