Олимпиада-2012: Асхат азулы қарсыласына есе жіберді

АСТАНА. 5 тамыз. ҚазАқпарат - 2011 жылғы Азия чемпионатының қола жүлдегері грек-рим күресінің шебері Асхат Ділмұхамедов бүгін Лондон олимпиадасында боз кілемге шығып, азулы қарсыласына есе жіберді.

74 келі салмақ санатында белдескен  балуанымыз алғашқы айналымда 2010 жылғы Еуропа чемпионы беларусь Александр Кикиновтан ұтылып қалды.

Асхат Ділмұхамедов 1987 жылы дүниеге келген. Дәулет Тұрлыхановтың күрес мектебінде жаттығады. Ол 2011 жылы Ыстамбұлда өткен әлем чемпионатында бесінші орынға табан тіреп, Лондон олимпиадасының лицензиясын еншілеген болатын.