Олимпиада-2018: Шевченко ширек финалда сүрінді
ПХЕНЧХАН. ҚазАқпарат - Бүгін Оңтүстік Кореяда өтіп жатқан ХХIII қысқы Олимпиада ойындарында сынға түсіп жатқан шаңғышы Анна Шевченко ширек финалда сүрінді, деп хабарлайды ҚазАқпарат тілшісі.
Отандасымыз классикалық спринттің алғашқы іріктеу сынынан сүрінбей өткен болатын. Шевченко спринттік кезеңде мәре сызығын 3 минут 23,27 секундта басып, нәтижесінде 67 спортшының арасынан 27-орынға ие болды. Осылайша ол алғашқы үздік 30 спортшының қатарына еніп, ширек финалда бақ сынады. Өкінішке қарай ширек финалда 6-шы орынға қол жеткізген спортшымыз жартылай финалға қол жеткізе алмады.
Естеріңізге сала кетейік, осыған дейін ерлер арасында тура осы сайыс түрінен Алексей Полторанин де ширек финалда сүрінген болатын.
