Олимпиада-2024: Қазақстандық боксшылар кімдермен жұдырықтасады

АСТАНА. KAZINFORM – Франция астанасы Париж қаласында өтетін XXXIII жазғы Олимпиада ойындарының басталуына бүгін тура 16 күн қалды. Нақтырақ айтсақ, 26 шілде күні төртжылдық доданың алауы тұтанады.

Қазір Қазақстан құрамасы Олимпиада ойындарына лицензиялар санын 80-ге жеткізді. Оның ішінде қазақ боксшылары 10 салмақта (7 салмақ ерлер, 3 саламақ әйелдер) бақ сынайды.

Өткен тарих беттеріне қайта бұрылып қарасақ, Қазақстан құрамасы тәуелсіз ел ретінде қатысқан жеті Олимпиада ойындарында жалпы 72 медаль жеңіп алса, оның басым бөлігі, яғни 24-і боксшылардың еншісінде. Қазақстандық былғары қолғап шеберлері Олимпиада ойындарынан 7 алтын, 7 күміс, 10 қола медаль жеңіп алды.

Жалпы, боксшыларымыз Олимпиада ойындарынан жүлдесіз қайтқан емес.

1996 жылы Василий Жиров (81 келі) - алтын, Болат Жұмаділов (51 келі) - күміс, Болат Ниязымбетов (63,5 келі), Ермахан Ибраимов (71 келі) - қола; 2000 жылы Бекзат Саттарханов (57 келі), Ермахан Ибраимов (71 келі) - алтын, Болат Жұмәділов (51 келі), Мұхтархан Ділдәбеков (91 келі) - күміс; 2004 жылы Бақтияр Артаев - алтын, Серік Елеуов - күміс; 2008 жылы Бақыт Сәрсекбаев (69 келі) - алтын, Еркебұлан Шынәлиев (81 келі) - қола; 2012 жылы Серік Сәпиев (69 келі) - алтын, Әділбек Ниязымбетов (81 келі) - күміс, Марина Вольнова (75 келі) - қола; 2016 жылы Данияр Елеусінов (69 келі) - алтын, Василий Левит (91 келі), Әділбек Ниязымбетов (81 келі) - күміс, Иван Дычко (91 келіден жоғары), Дариға Шәкімова (75 келі) – қола медаль жеңіп алды. Ал, соңғы 2020 жылы Токио Олимпиадасында боксшыларымызға тұңғыш рет алтын бұйырмады. Тек Қамшыбек Қоңқабаев (91 келіден жоғары) пен Сәкен Бибосынов (52 келі) - қола алып қайтты. 

Алда – Париж Олимпиадасы. Осы орайда қазақ боксшыларына төртжылдық басты додада кімдер қарсылас болатынына қысқаша шолу жасай кеткенді жөн санадық.

51 келі
Сәкен Бибосыновтың салмағындағы Олимпиадаға қатысатын боксшылар:
Құрлықтық жарыстардың жеңімпаздары мен жүлдегерлері:
Биллаль Бинама (Франция)
Майкл Триндаде (Бразилия)
Джуниор Алькантаре (Доминикан Республикасы)
Юсуф Чотия (Австралия)
Хасанбой Дусматов (Өзбекстан)
Самет Гюмюш (Тркия)
Патрик Чиниемба (Замбия)
Титисан Панмод (Таиланд)
Әлемдік іріктеу турнирлерінің жеңімпаздары:
Ниджат Гусейнов (Әзірбайжан)
Алехандро Кларо (Куба)
Хуан Мануэль-Лопес (Пуэрто-Рико)
Рафаэль Серрано (Испания)
Роско Хилл (АҚШ)
Даниэль Варела де Пина (Кабо-Верде)
Амит Пангал (Үндістан)

57 келі
Махмуд Сабырханның қарсыластары:

Құрлықтық жарыстардың жеңімпаздары мен жүлдегерлері:
Абдумалик Халоков (Өзбекстан)
Хосе Кильес (Испания)
Чарли Сеньор (Австралия)
Долало Омоле (Нигерия)
Хавьер Ибаньес Диас (Болгария)
Шудай Харада (Жапония)
Джамал Харви (АҚШ)
Сайдель Орта Родригес (Куба)

Әлемдік іріктеу турнирлерінің жеңімпаздары:
Луис Оливейра (Бразилия)
Джуд Галлахер (Ирландия)
Йилмар Гонсалес (Колумбия)
Айдер Абдураимов (Украина)
Карло Паалам (Филиппины)
Мунарбек Сеитбек Ууулу (Қырғызстан)

63.5 келі
Мұхаммедсабыр Базарбайұлының қарсыластары:

Құрлықтық жарыстардың жеңімпаздары мен жүлдегерлері:
Уайетт Сэнфорд (Канада)
Мигель Мартинес (Мексика)
Софян Умиа (Франция)
Гарри Гарсайд (Австралия)
Лай Чжуэнь (Қытайлық Тайпэй)
Лаша Гурули (Грузия)
Югурта Аит Бекка (Алжир)
Буньйонг Синсири (Таиланд)

Әлемдік іріктеу турнирлерінің жеңімпаздары:
Хесус Кова (Венесуэла)
Обада Аль-Касбех (Иордания)
Баходур Усмонов (Тәжікстан)
Руслан Абдуллаев (Өзбекстан)
Радослав Росенов (Болгария)
Ойер Ибаррече (Испания)
Эрисланди Альварес (Куба)
Малик Хасанов (Азірбайжан).

71 келі
Асланбек Шымбергеновтың қарсыластары:
Құрлықтық жарыстардың жеңімпаздары мен жүлдегерлері:
Шэннон Дэви (Австралия)
Кан Ча-Вей (Қытайлық Тайпэй)
Николай Тертерян (Дания)
Омар Элавади (Египет)
Марко Верде (Мексика)
Хосе Родригес (Эквадор)
Сэвон Окадзава (Жапония)
Вахид Аббасов (Сербия)

Әлемдік іріктеу турнирлерінің жеңімпаздары:
Рами Мофид Киван (Болгария)
Омари Джонс (АҚШ)
Асадхужа Муйдинхужаев (Өзбекстан)
Нишант Дев (Индия)
Льюис Ричардсон (Ұлыбритания)
Зейяд Ишаиш (Иордания)
Дамиан Дуркач (Польша)
Эйдан Уолш (Ирландия)

80 келі
Нұрбек Оралбайдың қарсыластары:
Құрлықтық жарыстардың жеңімпаздары мен жүлдегерлері:
Тоқтарбек Таңатхан (Қытай)
Габриэль Веочич (Хорватия)
Абдельрахман Ораби (Египет)
Каллум Питерс (Австралия)
Арлен Лопес (Куба)
Эумир Марсьяль (Филиппины)
Александр Хижняк (Украина)
Вандерлей Перейра (Бразилия)

Әлемдік іріктеу турнирлерінің жеңімпаздары:
Пилип Акилов (Венгрия)
Каан Айкутсун (Түркия)
Турабек Хабибуллаев (Өзбекстан)
Кристиан Пиналес (Доминикан Республикасы)
Веерапон Джонджохо (Таиланд)
Хуссейн Ишаиш (Иордания)

92 келі
Айбек Оралбайдың қарсыластары:
Құрлықтық жарыстардың жеңімпаздары мен жүлдегерлері:
Хань Сюэчжэнь (Қытай)
Хулио Сесар ла Крус (Куба)
Олетен Олаоре (Нигерия)
Давлат Болтаев (Тәжікстан)
Джек Марли (Ирландия)
Азиз Аббес Мухийдин (Италия)
Кено Машадо (Бразилия)

Әлемдік іріктеу турнирлерінің жеңімпаздары:
Патрик Браун (Ұлыбритания)
Энмануэль Рейес (Испания)
Лазизбек Муллажонов (Өзбекстан)
Виктор Шельстрат (Бельгия)
Матеуш Березницкий (Польша)
Лорен Альфонсо (Әзірбайжан)
Георгий Кушиташвили (Грузия).

+92 келі
Қамшыбек Қоңқабаевтың қарсыластары:
Құрлықтық жарыстардың жеңімпаздары мен жүлдегерлері:
Джошуа Эдвардс (АҚШ)
Мухаммад Абдуллаев (Әзірбайжан)
Баходир Жалолов (Өзбекстан)
Теремоана Джуниор Теремоана (Австралия)
Делишес Ори (Ұлыбритания)
Мурад Кади (Алжир)
Абнер Тейшейра (Бразилия)

Әлемдік іріктеу турнирлерінің жеңімпаздары:
Нельви Тиафак (Германия)
Диего Ленци (Италия)
Омар Шиха (Норвегия)
Джамили-Дини Абуду (Франция)
Герлон Конго (Эквадор)
Давид Чалоян (Армения)
Айюб Гадфа (Испания)
Дмитро Ловчинский (Украина).