Олимпиада алауын алып ұшқан экипаж ХҒС-дан Жерге оралуға дайындалуда
БАЙҚОҢЫР. ҚазАқпарат - Ресейлік ғарышкер Михаил Тюрин, Жапондық аэроғарыштық зерттеулер агенттігінің астронавты Коити Ваката және американдық астронавт Рик Мастраккио 188 тәулік ұшқаннан кейін орбитадағы жұмысын аяқтайды.
Роскосмостың баспасөз қызметі хабарлағандай, Халықаралық ғарыш стансасындағы (ХҒС) 39 экспедиция экипажы Жерге «Союз ТМА-11М» кемесінде оралмақ.
«Союз ТМА-11М» ғарыш кемесін ХҒС 2014 жылдың 14 мамырында ажырату көзделген.
«Союз ТМА-11М» кемесі Байқоңырдан 2013 жылдың 7 қарашасында ұшырылған. Оның экипажы ХҒС олимпиада алауын жеткізген болатын. Олимпиада алауы экипаж эмблемасына, ал зымыран тасығыш пен ғарыш кемесіне олимпиадалық символика белгіленген.
ХҒС-39 мен ХҒС -40 экспедициялары барысында ресейлік ғарышкер М.Тюрин 50 тәжірибе бойынша 600-ден астам сеансқа қатысты, деп атап өтті баспасөз қызметінде.
