Олимпиада чемпионы Елдос Сметов дзюдошы Ғұсман Қырғызбаевқа қолдау көрсетті
ПАРИЖ. KAZINFORM – Парижде өтіп жатқан Олимпиада ойындарында ел қоржынына алғашқы алтын медаль сыйлаған Елдос Сметов командаласы Ғұсман Қырғызбаевқа жанкүйерлік танытып, жарыс алаңына арнайы келді.
Айта кетейік, бүгін дзюдошылар арасында 66 келі салмақта Ғұсман Қырғызбаев ел намысын қорғап жатыр. Ол алғашқы айналымда испаниялық татами шебері Давид Гарсия Торнемен белдесіп, жеңіске жетті.
Ал, Елдос Сметов кеше 60 келі салмақта жеңіс тұғырының ең биік сатысына көтеріліп, чемпион атанған еді.
