Олимпиада: Қазақстандық конькишілер 1000 метрде жүлдесіз қалды
ПХЕНЧХАН. ҚазАқпарат - Бүгін Оңтүстік Кореяның Пхенчхан қаласында өтіп жатқан XXІІІ қысқы Олимпиада ойындарында коньки спортынан 1000 метр қашықтықта сынға түскен отандастарымыз жарысты жүлдесіз аяқтады, деп хабарлайды, деп хабарлайды ҚазАқпарат тілшісі.
Бұл сында Қазақстан құрамасының намысын үш бірдей конькишіміз қорғады. Олар - Денис Кузин, Федор Мезенцев және Станислав Палкин.
Аты аталған спортшыларымыз арасынан ең үздік нәтижені Денис Кузин тіркеді. Ол аталған қашықтықты 1:10.13 уақытта 27-ші орынмен бағындырса, Станислав Палкин (1:10.149) 29-шы орынмен, ал үшінші отандасымыз (1:10.62) мәре сызығын 36 спортшының ішінен 33-ші болып кесті.
Фото: Данияр Майлыбаев
