Олимпиадалық іріктеу: Су добынан Қазақстан әйелдер құрамасы алғашқы жеңісіне қол жеткізді
НҰР-СҰЛТАН.ҚазАқпарат – Су добынан Қазақстан әйелдер құрамасы Олимпиадалық іріктеу турнирінде алғашқы жеңісіне қол жеткізді, деп хабарлайды ҚазАқпарат ҚР Ұлттық олимпиадалық комитетінің баспасөз қызметіне сілтеме жасап.
Италияда су добынан әйелдер командалары арасында Олимпиадаға іріктеу турнирі өтіп жатыр. Бүгінгі жарыс күні Қазақстан құрамасы Словакия командасымен кездесіп, 11:10 есебімен ұтты. Ел құрамасы топтық кезеңде үшінші орынмен ширек финалға шыққан болатын.
Енді қазақстандықтар Израиль-Франция жұбының жеңімпазымен кездеседі.
Айта кетейік, Қазақстан әйелдер құрамасы Нидерланды қыздарына жол берді. Есеп 6:19 (1:5, 2:4, 0:4, 3:6). Қазақстан құрамасынан Айжан Ақылбаева, Дарья Рога, Анна Турова (2), Дарья Муравьева және Анастасия Еремина мергендік танытты.
