Олимпиаданың 5-күні: Медальдар саны жағынан қай елдер көш басында
БЕЙЖІҢ. ҚазАқпарат - Қытай астанасы Бейжің қаласында өтіп жатқан Ақ Олимпиада ойындары күн өткен сайын тартысты бола бастады, деп хабарлайды ҚазАқпарат тілшісі.
Бүгін Олимпиада ойындарының бесінші күні артта қалды. Медальға талас арта түсті.
Айталық, кеше ғана 4-орында тұрған Германия бүгін бір күнде 2 алтын, 1 күміс медальға қол жеткізіп, жалпы есепте көш басына шыға келді. Сондай-ақ, өткен күні 5-орында тұрған Норвегия бүгін 2-орынға көтерілді. Үздік үштікті қазірге Швеция құрамалары түйіндеп тұр.
Медальдар көрсеткішімен үздік ондықта тұрған елдер:
1. Германия - 5 алтын, 3 күміс
2. Норвегия - 4 алтын, 2 күміс, 4 қола
3. Швеция - 4 алтын, 1 күміс, 2 қола
4. Нидерланды - 3 алтын, 3 күміс, 1 қола
5. Қытай - 3 алтын, 2 күміс
6. Австрия - 2 алтын, 4 күміс, 4 қола
7. Италия - 2 алтын, 4 күміс, 1 қола
8. Ресей - 2 алтын, 3 күміс, 6 қола
9. Словения - 2 алтын, 1 күміс, 2 қола
10. АҚШ - 1 алтын, 5 күміс, 1 қола
Айта кетейік, дәл бүгінге дейін Олимпиада медаліне қол жеткізген елдер қатары 23-ке жетті. Өкінішке қарай Қазақстан қоржыны әзірге бос.
