Olympus корпорациясының бұрынғы президенті тұтқындалды
АСТАНА. 16 ақпан. ҚазАқпарат - Жапондық Olympus корпорациясының бұрынғы президенті Цуеси Кикукава қаржылық астыртын әрекеттерге қатысы бар деген күдікпен тұтқынға алынды.
Бұл туралы Би-Би-Си-ден хабарланды.
Фотоаппараттар мен оптикалық техниканы шығаратын Olympus корпорациясының айналасындағы дау-дамай компанияның жетекшілері шығындар жайлы мәліметтерді жасырып келгендіктерін мойындаған кезден бастап, атап айтқанда, 2011 жылдың күзінен бері жалғасып келеді.
Анықталғандай, 1990 жылдың соңынан бастап Olympus корпорациясының жетекшілері 1,5 млрд. доллар көлеміндегі шығындарды жасырып келген.
